Hiru klase saio hauetan zenbait artikulu irakurri ostean, eginiko lan eta
aurkezpenak, tresna teknologikoak eta lankidetza ikaskuntzaren ingurukoak izan
dira. Hain zuzen ere, zein tresna teknologikok laguntzen diguten lankidetza
moduan ikasten eta irakasten.
Gaian sartzeko, lehenik eta behin, lankidetza ikaskuntzaz jardun ginen eta
ondoren, informazioa nola bilatu eta partekatu modu eraginkor batean. Izan ere,
gaur egun, oso orokortuta daude praktika hauek eta irakasle nahiz ikasleek maiz
partekatu behar izaten ditugu lanak irakasle-ikasle, ikasle-ikasle,
ikasle-irakasle, edo irakasle-irakasleen artean. Hala ere, ez gaude hain ziur
informazioa modu egokian bilatu eta partekatzen dugunik. Eta ez da hain justu
baliabiderik ez dugulako, baliabide egokiak eta horien erabilera
ezagutzen ez ditugulako baizik.
Lehen Web 1.0rekin dokumentuak sortu eta jaso zitezkeen eta ezin ziren
inondik inora partekatu. Gaur egun, Web 2.0 delakoa daukagu martxan edukiak
sortu, editatu, ezabatu eta aldatzea ahalbidetzen diguna.
Hainbeste baliabide daudenez, klaseko talde bakoitzak pare bat hartu ditu
eta horiei buruzko aurkezpena egin dugu. Gure taldeari geolokalizazioa eta
mapak (eskola 2.0) egokitu zaigu.
Hasieran ez geneukan argi nolakoa izango ote zen mapen erabilera hezkuntzan
baina lana egin ondoren baliabide egokia eta entretenigarria iruditu zaigu
Lehen Hezkuntzako ikasleentzako. Izan ere, Interneten dauden irudi eta mapa
aniztasunari esker modu eraginkor batean ikasteko aukera daukate.
Gainera, beraiek ingurunean edo beste ikasgai batean jorratutako
lanak beste ikastetxe bateko ikasleen partekatu (wiki, blog eta horrelako
plataformen bitartez) eta harremanak sor ditzakete.
Web2.0 eskaintzen dituen aukeren artean ondorengo hauek aurkitu ditzazkegu:
·
Bideoak partekatzeko: Youtube, Teachertube, Totlol,
Megavideo…
·
Ahots bidez bidaltzeko zerbitzuak Woices, Odeo, Voxopop…
·
Aurkezpenak eta posterrak gorde eta partekatzeko web
zerbitzuak: Power Point, Impress, Slideshare, Prezi, Glogstar
·
Lanak planifikatu eta kudeatzeko programa edo web
zerbitzua: Google Calendar, WinWorkBar, NOTASuno,
·
Sare sozialak: Facebook, Twitter,
·
Podcast: grabatu eta interneten kargatzen den
audio-artxibo digitala da. Irrati modukoa. Irakasleek beste batzuek
argitaratutako podcastak kontsultatu ditzakete eta gainera edukia asko
jorratzen dira: zientzia, teknologia, berriak, kirolak, hizkuntzak, musika,
etab.
Ikasleek podcastak ikasteko,
errepasatzeko edo kontsultatzeko aprobetxatu dezakete.
Aipatu
berri ditugun baliabide teknologiko horietatik oso gutxi dira bereziki
hezkuntzara bideratuta daudenak, baina hala ere, baliabide hauen erabilpena
sustatzen da hezkuntzan eta eraginkorrak suertatu dira.
Hezkuntzan
teknologia berrien sartzeak ikasleen eta irakasleen arteko inplikazioa eskatzen
du. Irakasle formatuak eta trebeak edukitzea oso garrantzitsua ikasleen
teknologia erabilpen egokia sustatzeko eta motibatzeko. Hala ere, alde handia
dago ikasle eta irakasleen artean. Izan ere, irakasleak ez bezala ikasleak
natibo digitalak dira teknologia kontuetan eta erraztasun
gehiago izaten dute mundu birtual honetan.
